话咁快又到咗芒草的季节喇,早前有网友呼吁大家唔好再为咗影靓相而爬上大东山石屋顶,引起各界关注,其实除咗大东山之外,马鞍山昂平亦都係另一个芒草盛开嘅地方。

由马鞍山郊游径入口开始行,指示牌上话只需要行半个钟就去到昂平,不过记者实测,慢慢行嘅话,由入口行到昂平高原,都差唔多要一个钟。

秋日限定!马鞍山芒草游  睇埋矿村秘景!

秋日限定!马鞍山芒草游  睇埋矿村秘景!
初段以上梯级为主,之后就已经係轻鬆嘅平地

上到昂平高原之后,就可以眺望西贡,不时有滑翔伞爱好者会选择喺呢片草原上飞翔。

秋日限定!马鞍山芒草游  睇埋矿村秘景!

秋日限定!马鞍山芒草游  睇埋矿村秘景!

一场嚟到,就梗係要同芒草合照,影返张靓相呃like啦!不过心急嘅记者上星期已经急不及待咁去睇芒草,结果只係开咗小部分,如果想睇到成个山头都係芒草嘅盛况,就要等多一两个星期喇~

秋日限定!马鞍山芒草游  睇埋矿村秘景!

不过影相影之余,都要留意住附近嘅牛牛,因为身处草丛入面,视线被遮挡,记者当日挂住影相,争d就撞咗埋佢哋度!

秋日限定!马鞍山芒草游  睇埋矿村秘景!

配合埋阳光,芒草影出嚟就更加靓喇!

秋日限定!马鞍山芒草游  睇埋矿村秘景!

除咗芒草之外,附近嘅大金钟亦都係影相位!

秋日限定!马鞍山芒草游  睇埋矿村秘景!

如果喺呢度扎营过一晚夜嘅话,仲可以睇埋日出添!

秋日限定!马鞍山芒草游  睇埋矿村秘景!
来源:流浪摄

昂平高原

路线:马鞍山郊游径至昂平高原

时间:约1小时

难度:✭✩✩✩✩

前往方法:由马鞍山坐的士到马鞍山郊游径昂平入口,车费约$50;或于马鞍山新港城中心乘村巴NR84,于总站马鞍山村落车。

落返山,可以去埋附近嘅马鞍山村,呢度係香港唯一具规模嘅矿村,嚟到就好似行咗入时光隧道咁,因为一切都停留咗喺70年代矿场停产之时,可以影出与别不同嘅靓相。

秋日限定!马鞍山芒草游  睇埋矿村秘景!

方济会天主堂同信义会恩光堂都曾经係矿村嘅社区中心,仲开办幼稚园同小学,但係随住矿场结束,学校已停办。信义会上年开始活化小教堂及学校,整理矿工及村民嘅口述历史,教育大众认识矿场。

秋日限定!马鞍山芒草游  睇埋矿村秘景!
具历史价值嘅白色小教堂,影相一流!

叫得矿村,就一定有矿洞,不过目前几乎所有洞口都已经封死,只有「半封口」嘅240ML,呢度唔封口并唔代表入面安全,只係因为洞内有好多蝙蝠,所以千祈唔好随便入去探险!

秋日限定!马鞍山芒草游  睇埋矿村秘景!秋日限定!马鞍山芒草游  睇埋矿村秘景!

呢个废矿堆係由当年矿工倾倒嘅劣质矿石组成

行咗咁耐,係时候去搵食!相信cafe迷对「屋子」都唔会陌生,呢度出晒名环境靓,楼底有成6米高,可以舒舒服服咁坐吓食吓影吓!

秋日限定!马鞍山芒草游  睇埋矿村秘景!
呢杯生活咖啡,奶泡、咖啡和抹茶层次分明, 仲可以加入红豆再搅拌,更添香甜。$50
秋日限定!马鞍山芒草游  睇埋矿村秘景!
小仓抹茶手工蛋糕唔会太甜,中间夹住两层红豆蓉,好味!$52

除咗餐牌上嘅食物,一场嚟到,当然要食埋个环境!

秋日限定!马鞍山芒草游  睇埋矿村秘景!
採用落地玻璃,十分开扬
秋日限定!马鞍山芒草游  睇埋矿村秘景!
墙上咁欢欣嘅壁画,係店主请台湾艺术家梁根画嘅,望住嚟食嘢,人都开心d

屋子生活

地址:马鞍山乌溪沙路八号迎海荟地下四号舖 (显示地图)

电话:2662 0102

时间:星期一至五11:30am-10pm、星期六及日12nn-10pm

上一篇: 下一篇:

相关推荐